Шоубиз
Џастин Бибер повторно ги загрижи своите обожаватели со нови објави: „Ова изгледа како Бритни“
Џастин Бибер објави неколку необични селфиња, а неговите следбеници напишаа во коментарите дека се исклучително загрижени за него и неговата состојба.
Имено, Бибер прави чудни гримаси и пози на фотографиите, а напиша неколку реченици во описите.
„Утрово прифаќам дека Бог ми простува. Затоа денес можам да си простам себеси и на другите. Придружете ми се ако сакате“, рече тој на еден сет фотографии.
По објавите, неговите следбеници почнаа да шпекулираат дека пејачот „тешко страда“.
„Толку е тешко и болно да се гледа. Зошто никој близок до него не му помага кога е јасно дека страда? Не е добро“, „Кутриот човек, навистина е во неволја, ова изгледа како Бритни. Некој мора да му помогне пред да биде предоцна“, беа само некои од коментарите од неговите обожаватели.
Исто така, обожавателите коментираа дека Бибер треба да побара помош и дека се претвара во „Бритни Спирс“.
Однесувањето на Бибер ги загрижи неговите обожаватели уште во февруари оваа година, откако се однесуваше чудно на настанот на неговата сопруга Хејли Бибер, поттикнувајќи шпекулации дека пејачот зема дрога. Иако претставникот на Бибер ги негираше гласините за злоупотреба на дрога во февруари, музичарот оттогаш не крие дека редовно користи марихуана.
Неодамна објави фотографија на која се смее и користи марихуана, а следбениците го критикуваа што го прави тоа во присуство на своето мало дете.
