Познатиот актер Харисон Форд повреден на снимањето на новиот „Индијана Џонс“

Холивудската ѕвезда повторно ќе ја игра улогата на археолог-акционен херој, иако има 78 години.

Петтиот и последен дел од серијалот се снима во Велика Британија и премиерата треба да биде во 2022 година.

Во соопштението на „Дизни“ не се наведува сериозноста на неговата повреда, но велат дека распоредот на снимањата ќе биде прилагоден.

„Во текот на пробите за сцена со борба, Харисон Форд се здоби со повреда на неговото рамо. Сега распоредот на снимањата ќе зависат од процесот на лекување на актерот“

Поминати се 40 години од кога за прв пат Форд ги зема во раце познатите шешир и камшик како Индијана Џонс во филмот „Raiders of the Lost Ark“. Петтиот дел од серијалот се снима веќе подолго време, 14 години по последниот кој е прикажан во 2008 година под името „Indiana Jones and the Kingdom of the Crystal Skull “.

Освен Харисон Форд, во главните улоги на новиот филм треба да ги гледаме и Фиби Валер-Бриџ и Мадс Микелсен.