Шоубиз
Прегратки и нежни допири во судницата: Која е адвокатката за која се зборува дека е во врска со Џони Деп?
Судскиот спор меѓу Џони Деп (58) и Амбер Херд (36) го следат милиони луѓе ширум светот, а своја „петминутна“ слава добија и нивните адвокати.
Сепак, во прв план дојде адвокатката на Џони, Камил Васкез (37), која на нејзината фан страна на Инстаграм ја следат повеќе од 60 илјади луѓе, а таа бројка постојано расте додека нејзиниот вистински профил е приватен. Обожавателите на актерот споделуваат на социјалните мрежи снимки од Камил како ја „уништува“ Амбер за време на судскиот распит.
Исто така, се шпекулираше дека Васкез е во врска со Деп, за што новинар на TMZ и поставил прашање додека таа ја напуштала судницата во Ферфакс.
-Луѓето сакаат да знаат, дали сте во врска со Џони Деп? Веста за ова го преплави интернетот. Можеш ли да појасниш дали да или не? – ја праша новинарот.
Is #CamilleVasquez dating #JohnnyDepp? ? See the lawyer's response … https://t.co/5wV83q2gD0 pic.twitter.com/p6YBWwxG0f
— TMZ (@TMZ) May 18, 2022
Адвокатката одбила да одговори и само се насмевнала.
Прегрнувањата во судницата, допирите и огромната хемија што постои меѓу нив, наведуваат да се помисли дека меѓу актерот и неговата адвокатка постои нешто повеќе од типичен однос помеѓу адвокат и клиент.
И многумина сега се прашуваат која е всушност адвокатката што го брани Деп?
Васкез работи за високопрофилната адвокатска фирма Brown Rudnick, која го застапува Деп во неговата тужба за клевета од 50 милиони долари против неговата поранешна сопруга Херд. Таа е специјализирана за судски спорови и арбитража, според веб-страницата на компанијата, и е особено фокусирана на случаите на клевета од страна на обвинителството, како што е случајот на Деп.
Дипломирала право со почести во 2006 година на Универзитетот во Јужна Калифорнија, а „One to Watch“ ја стави на листата на најдобри адвокати за 2021/2022 година.
Како што пишуваат американските медиуми, Камил наводно е во врска со британски агент за недвижности и заедно се неколку месеци. Тие, исто така, објавија дека адвокатката не го сака Деп, но го смета нејзиниот клиент за духовит човек и ужива да работи со него на неговиот случај.
