Ријана е бремена: Го очекува првото дете со раперот A$AP Rocky

Една од најпопуларните и најбогатите пејачки на денешницата Ријана и нејзиното момче, раперот A$AP Rocky го чекаат своето прво дете, а таа гордо го покажа трудничкиот стомак и покрај ниските температури и снегот, со што го потврди она што се шпекулираше во неколку наврати.

Двојката е снимена како се шета во Њујорк, Ријана носела јакни од Шанел, вредна 8.000 долари и интересен накит, кој и поминува преку стомакот, додека раперот бил во кожени панталони.

View this post on Instagram

A post shared by People Magazine (@people)

Она што изненади многумина е тоа што Ријана позираше со гол стомак на минусни температури и на снег.

Ријана и A$AP Rocky се заљубени до уши, а неодамна почнаа да кружат приказни дека парот се свршил. За нивната врска почна да се зборува неколку месеци откако таа раскина со милијардерот Хасан Џамел на почетокот на 2020 година.

Тие беа пријатели со години пред тоа, а интересно е што првите гласини дека меѓу нив има нешто повеќе од пријателство се појавија уште во 2013 година, но раперот тогаш коментираше само дека Ријана е секси, но не ја гледа со тие очи.