Супер Боул 2025: Историски настап на Кендрик Ламар на полувремето, Доналд Трамп и бројни ѕвезди на трибините

Суперболот е еден од најголемите телевизиски настани во Америка, а честа да настапи оваа година му припадна на Кендрик Ламар.

Познатиот рапер Кендрик Ламар оваа година настапи во најскапите 15 минути во светот на американската телевизија и испиша историја како првиот соло хип-хоп артист кој настапил како главна ѕвезда на полувремето на Супер Боул, кое годинава се одржа во „Цезарс Супердоум“ во Њу Орлеанс.

View this post on Instagram

A post shared by Complex Music (@complexmusic)

Актерот Семјуел Л. Џексон, облечен како вујко Сем, икона на Соединетите Држави, го претстави Кендрик Ламар за шоуто на полувремето на Супер Боул во 2025 година.

Ламар го отвори својот настап со хитот „Squabble Up“ од неговиот последен албум, а продолжи со „Humble“, „DNA“ и „Euphoria“. Подоцна на сцената му се придружи SZA, со која ја изведе хит песната „All The Stars“, а кон крајот на настапот се појави и Серена Вилијамс и го изведе својот контроверзен танц, поради што беше казнета на Олимпијадата во 2012 година.

Во еден момент од настапот, тој на шега го најави својот хит „Not Like Us“ со кој минатата недела собра неколку Греми награди и кој е всушност директен повик до Дрејк. Тој ја изведе песната со насмевка на лицето на апсолутно воодушевување на публиката на стадионот во Њу Орлеанс.

Кендрик беше облечен во одлична јакна од дизајнерката Мартина Роуз, чии креации редовно ги носи од почетокот на кариерата, како и интересни селин фармерки со блага форма на ѕвонче.

View this post on Instagram

A post shared by gettysport (@gettysport)

Филаделфија Иглс го освоија годишниот Супер Боул со победа од 40-22 над бранителот на титулата Канзас Сити Чифс.

Настанот не само што го покажа најдоброто што НФЛ може да го понуди за оваа сезона – туку многу холивудски ѕвезди, музичари и американскиот претседател Доналд Трамп се најдоа на трибините.

View this post on Instagram

A post shared by The Associated Press (AP) (@apnews)