Тејлор Свифт наводно се верила со долгогодишното момче Џо Алвин

Една од најпопуларните американски пејачки Тејлор Свифт (32) и нејзиното момче, актерот Џо Алвин (31), наводно се вериле по повеќе од пет години врска, а гласините се шират веќе подолго време.

Како што пренесоа странските медиуми, радосната вест ја откриле само пред најтесниот круг на семејството и блиските пријатели, а актерот и го поставил на пејачката ’големото прашање’ пред неколку месеци. Пријател на Џо откри дека Алвин и купил на Тејлор прстен што таа го носи само „зад затворени врати“.

Двојката многу ја заштитува својата приватност и се видени само неколку пати заедно на црвениот тепих, а на ниту еден член од својот тим не кажале за свршувачката.

-Тејлор и Џо се неверојатно среќни и многу, многу заљубени. Тие всушност беа свршени неколку месеци, но им кажаа само на својот близок, интимен круг на луѓе, всушност им кажаа на најблиското семејство и на долгогодишните доверливи пријатели. Сите мораа да се заколнат на тајност –  изјавил пријателот на актерот за The Sun.

-Тејлор има прекрасен прстен што го носи само кога е дома, а само неколку луѓе ги знаат деталите за венчавката. И двајцата сакаат нивната љубов да биде што подолго подалеку од камерите. Тоа е само за нив! И ако и кога разменуваат завети, таму дефинитивно нема да бидат поканети медиумите. Ќе биде едноставно и елегантно како нив – додаде тој.

Поради нивната тајност, двојката најверојатно нема да ја потврди свршувачката, а всушност не се знае кога започнала нивната врска. Актерот веќе стана вистински професионалец во избегнувањето прашања за нивната свршувачка, за која се шпекулира веќе некое време.

-Да имав по една фунта за секој пат кога ќе ми кажат дека сум свршен, ќе имав многу пари. А искрено не би потврдил дека е вистина, но и дека не е – изјави Џо за WSJ на почетокот на оваа година.

Како што објавија странските медиуми, нивната прва средба се случила на 2 мај 2016 година на Мет Гала. Се дозна дека тие се заедно една година подоцна.