Шоубиз
Веќе не кријат дека се во врска: Бредли Купер и Џиџи Хадид фотографирани фатени за рака
Актерот Бредли Купер и манекенката Џиџи Хадид конечно ја потврдија својата врска, па беа фотографирани додека се шетаат низ Лондон држејќи се за рака.
По неколкумесечни гласини дека се во врска, конечно решија да престанат да се кријат. Гласините за нивната врска се појавија во октомври минатата година, откако неколку пати беа видени заедно.
Новaта славна двојка долго време се обидуваше да ја сокрие врската, а одреден период тајно беа во куќа на Род Ајленд, која е во сопственост на нивната пријателка, пејачката Тејлор Свифт. Таму непречено уживале во љубовта бидејќи не морале да размислуваат дали некој ќе ги снима.
Инаку, Џиџи Хадид ја има тригодишната ќерка Каи со поранешното момче, поп-ѕвездата Зејн Малик, додека Бредли Купер ја има шестгодишната Леа де Сејн со моделот Ирина Шајк. Џиџи претходно беше поврзувана со Леонардо ди Каприо, но тие никогаш не ја потврдија врската.
