Жената која била со Лиам Пејн пред смртта тврди дека тој и го ветил својот часовник Ролекс

Медиумите во Аргентина објавија нови детали за часовникот на Лиам Пејн, кој почина на 16 октомври. Часовникот Ролекс вреден 36.000 евра исчезнал набргу по неговата смрт и се уште не е пронајден.

Според Infobae, часовникот исчезнал откако девојката со која Пејн го поминувал времето пред неговата смрт се вратила во неговата соба.

Неименуваната жена наводно се вратила во собата затоа што ја заборавила шминката. Според претходните податоци од истрагата, часовникот исчезнал токму во собата на Лиам на третиот кат од хотелот CasaSur Palermo.

На жената, како и на другата девојка која била со неа, Лиам наводно им ветил 5000 фунти, но овие пари не ги добиле. Тие подоцна им кажале на обвинителите дека Пејн клекнал пред нив и им рекол дека ги сака. Тој, исто така, наводно им ветил дека ќе им го даде својот часовник Ролекс. Ситуацијата со двете жени подоцна се обидел да ја реши пријателот на Лиам, Роџер Норес, кој потоа пристигнал во хотелот, но заминал пред музичарот да почине.

Лиам носел часовник на раката на денот на неговата смрт, но не и во моментот на падот. Оттогаш никој не го видел часовникот.

За потсетување, потрагата по часовникот започна на 10 ноември. Во рамките на истрагата, биле претресени домовите на тројца мажи осомничени за смртта на Пејн, но во ниту еден часовникот не бил пронајден.

Кон крајот на ноември беа објавени нови снимки од надзорните камери на хотелот во кој почина пејачот. Според нив, тој се спротивставувал да го однесат во собата, а наводно паднал од балконот обидувајќи се да побегне од хотелот.