ВАРАЖДИН „ВРИЕ“ ОД МАКЕДОНЦИ: „Црвено-жолтите“ подготвени за дуелот против Шпанија

Вечерва во Вараждин, се е во знакот на „црвено-жолтите“, но не само на Македонија, туку и на селекцијата на Шпанија, кои ќе си ги одмерат силите на теренот од 20.30 часот.

Како што јавуваат дописниците за македонските медиуми, на неколку часа пред почетокот на овој значаен дуел за двете селекции, повеќе од јасно е дека македонската „фаланга“ ќе доминира вечерва во фан зоната и со заедничка сила ќе донесат уште една победа за Македонија.

Македонците се најбројни во градот, а се собрани од сите страни. Ги има и од Германија, Австрија, секако најмногу од Македонија и ќе останат во Вараждин за уште една епска битка, која може да нѐ одведе на чекор до полуфиналето.