Општина Аеродром го обнови и отвори новото детско и спортско игралиште “Патрик”

На почетокот на тековниот месец, Општина Аеродром успешно ja заврши реконструкцијата на игралиштето „Патрик”, сместено зад „Три бисери“. Новата детска и спортска оаза  на жителите на Аеродром располага со современо дизајнирано детско игралиште, како и две повеќенаменски терени за фудбал, ракомет и кошарка, на површина од вкупно 1.600 квадратни метри, соопшти Општина Аеродром.

Инвестицијата, реализирана со поддршка на општествено одговорна компанија, игра значајна улога во развојот на спортските можности во Аеродром, обезбедувајќи содржини за правилен физички развој на најмладите. Истовремено, новото игралиште ќе биде место за одржување на различни настани кои станаа традиција во маалскиот живот во Општина Аеродром.

Градоначалникот Тимчо Муцунски на својот фејсбук-профил изрази задоволство поради успешната реализација на проектот. Споделувајќи дека “Патрик” сега е едно од најубавите детски и спортски катчиња во Аеродром, градоначалникот нагласи дека новиот комплекс го обезбедува простор за деца и спортисти, поддржувајќи урбано живеење и активен начин на живот во маалото. Со оваа иновација, Општина Аеродром продолжува да инвестира во подобрување на инфраструктурата и заедницата.