Пристигнаа нови 100.000 дози на Фајзер – масовната вакцинација продолжува

100.620 дози на вакцината „Фајзер“ пристигнаа во Македонија, со што повторно ќе стартува масовната имунизација во нашата земја.

Министерот Венко Филипче најави дека вакцинацијата во текот на следните денови ќе се одвива со забрзано темпо. Тој најави дека од понеделник до 15 јули ќе бидат вакцинирани сите граѓани кои се пријавиле за вакцинација.

– „Доколку се уште не сте се пријавиле преку веб страницата, апелирам да го направите тоа што поскоро, како би добиле термин во најбрз временски рок“, објави Филипче на Фејсбук.

На вакциналните пунктови во државата заклучно со завчера вакцинирани се вкупно 289.305 граѓани. Преку веб-платформата vakcinacija.mk , досега се пријавиле 460.702 граѓани за вакцинирање, информираа од Министерството за здравство.

Во државата, вкупно се аплицирани 501.506 дози вакцини, а ревакцинирани се 212.201 граѓани.