Циклонот „Оливија“ ни носи дожд, снег и пониски дневни температури

Во текот на ноќта ќе има повремени локални врнежи од дожд, на повисоките места и на планините од снег, а снежната граница се очекува да се спушти и на места со надморска височина од под 1000 метри.

Во текот на утрешниот ден под влијание на циклонот „Оливија“ ќе преовладува претежно облачно време со повремени врнежи од дожд и снег и на некои од пониските места, има услови и за врнежи од влажен снег.

На повисоките места и на планините ќе има врнежи од снег, поинтензивни врнежи ќе има во јужната половина од државава каде локално ќе наврнат над 30 л/м2 воден талог, а на повисоките места и на планините ќе дојде до формирање на позначителна снежна покривка.