Инцидент помеѓу новинарите: Пред резиденцијата на ЕУ се степаа Саше Политико и Александар Сарма

Видеото е преземено од А1ОН | Насловна фотографија: Printscreen Youtube

Пред поголем број присутни колеги новинари вчеравечер имало индицент каде Александар Спасовски – Сарма (Сител, Прес24) му удрил шлаканица на Саше Ивановски – Политико (Мактел).

Инцидентот се случил пред резиденцијата на ЕУ во која се одржуваа преговорите со Хан.

Инцидентот настанал кога Сарма имал јавување во живо на дневникот на Телевизија Сител. Kако што опишуваат присутните, Политико во негов препознатлив стил, снимајќи со мобилен телефон почнал да довикува, што истото се слушало и во дневникот на Сител.

Поради ситуацијата Спасовски видно нервозен почнал да довикува кон Ивановски, при што настанало буткање во кое ‘подебелиот крај’ го извлекол Саше, добивајќи шлаканица од Сарма.

Инцидентот можете да го погледнете на видеото во продолжение: