ФИЛИПЧЕ: „Ситуацијата е мирна, нема потреба од нови мерки“

Според министерот Филипче, ситуацијата во Македонија е мирна и нема знаци за можно влошување на истата. 

„Нема пријавување, нема наплив на пациенти ниту во амбулантите, што ни укажува и потврдува дека ситуацијата е прилично мирна. Ја пратиме ситуацијата и во околните земји. Насекаде во регионот е мирно. И во Србија и во Албанија. Ги следиме и земјите каде нашите граѓани заминуваат за летните одмори. Има лесно зголемување на бројката на позитивни случаи во Грција, но сметам дека тоа не е алармантно. Затоа ќе довршам, сметам дека летото доколку ситуацијата продолжи вака, не треба да се воведуваат никакви рестриктивни мерки. Но, ситуацијата будно ја пратиме, има земји каде индискиот сој побрзо се шири. Но, засега нема потреба, а доколку се појави ќе интервенираме“, потенцира Филипче во гостување на „Утрински брифинг“.

Комисијата за заразни болести денеска требаше да одржи состанок ситуацијата со коронавирусот во земјата.