fbpx
Поврзи се со нас
Маркетинг

Популарно.мк

Поради снегот да не се патува без потреба во западна Македонија

Актуелно

Поради снегот да не се патува без потреба во западна Македонија

Автомото сојузот на Македонија препорачува поради обилните снежни врнежи без посебна потреба да не се патува во западниот дел од државава. Укажува на задолжително носење зимска опрема, исклучително внимателно возење, прилагодена брзина на движење, почитување на поставената сообраќајна сигнализација и планирање на патувањето според временските услови.

Според АМСМ, сообраќајот на државните патишта се одвива по влажни коловози, наместа со остатоци од снег кој останува на коловозот по  интервенција на дежурните екипи од „Македонија пат“.

Забрана за тешки товарни возила е воведена на патните правци крак Маврово – Дебар, крак Стража – Кичево и Тетово – Попова Шапка, а за автобуси на патот  Тетово – Попова Шапка, информира Автомото сојузот на Македонија (АМСМ). Превентивно забрана за камиони е воведена на планинскиот превој Пресека, како и на патниот правец Крива Паланка – граничен премин Деве Баир, каде има чекање за излез од околу 30 минути. На останатите граничните премини нема подолги задржувања за влез и за излез од државата.

Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.

Според Управата за хидрометеоролошки работи (УХМР), до утре наутро насекаде ќе се формира снежна покривка, освен во крајниот југоисточен дел. На планините во западните делови се очекува повеќе од 50 сантиметри нов снег, а на повеќето пониски места снежната покривка ќе изнесува од 10 до 20 сантиметри.

За време на викендот и во понеделник ќе дува засилен северен ветер, повремено со брзина околу 80 километри на час, што ќе предизвика локално создавање снежни наноси. Од понеделник се очекува стабилизирање со значително пониски температури. Најстудено ќе биде во вторник и среда наутро кога на повеќе места температурата ќе се спушти под -15 степени.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.