Променливо облачно со локален дожд

Времето во Македонија ќе биде променливо облачно со локални врнежи од дожд. Попладне ќе има и ретка појава на грмежи, особено во планинските подрачја. Ќе дува слаб до умерен ветер од северен правец.

Утринската температура ќе се движи од осум до 16,  дневната од 16 до 26 степени. УВ-индексот ќе изнесува 6.

Во Скопје слично време со услови за краткотраен дожд. Ќе дува слаб до умерен северозападен ветер. Утринската температура ќе се спушти до 13, а дневната ќе се искачи до 24 степени.

В недела ќе преовладува стабилно и суво време, освен во крајните јужни делови. Од понеделник во попладневните часови повторно на повеќе места ќе има појава на пороен дожд и грмежи.