ЗОО Скопје со зимска кампања – „Купи карти сега, искористи ги до 1-ви јуни!“

Зимата традиционално е период со најмала посетеност, но грижата за животните во ЗОО Скопје останува на највисоко ниво!

Тимот на зоолошката градина секојдневно обезбедува првокласна исхрана според строги европски стандарди и се грижи за најдобрите можни услови за сите животни, иако цената за влез е само 80 денари, а трошоците за одржување се драстично зголемени во изминатите три години.

Поддржете го ЗОО Скопје – подарете влезници!

Со цел да се обезбеди континуирана грижа за животните и во зимскиот период, ги повикуваме сите општествено одговорни компании, ресторани, институции и поединци да купат влезници кои ќе важат до 1-ви јуни 2025 година. Овие билети можете да ги подарите на вработени, клиенти, потрошувачи или пријатели, правејќи едно убаво хуманитарно дело.

Зошто е важно вашето учество?

✅ Со секоја купена влезница директно придонесувате за благосостојбата на животните.
✅ Помагате во успешното одбележување на јубилејот „100 години ЗОО Скопје“.
✅ Поддржувате една од најстарите и најважни институции во градот.

Како да учествувате?

Сите заинтересирани компании и граѓани можат да нè контактираат на [email protected] за повеќе информации околу купувањето на билетите.

Бидете дел од оваа иницијатива – помогнете ни да ја одржиме традицијата и да продолжиме да се грижиме за нашите животни! 🦁🐵🐘