Актуелно
Средношколците повторно на средба во МОН
Претставниците на средношколскиот пленум треба да имаат уште една средба со претставници на МОН, откако на вчерашната не беше постигнат никаков договор. Според информациите, средбата е закажана денеска во 10 часот.
Педесетина средношколци синоќа преспаа во импровизираниот камп, револтирани од игнорантскиот однос на надлежните кон нивните барања за враќање на стариот начин за полагање на државната матура и ставање во мирување на екстерното тестирање.
Од средношколскиот пленум велат дека таму ќе останат се до исполнувањето на нивните барања, укинување на екстерното тестирање и на електронското полагање на државната матура и враќање на стариот концепт на полагање на државна матура.
Од министерството за образование апелираат родителите да ги повлечат своите деца и да се вратат во училишните клупи.
