Свечена академија за Денот на Европа

Свечена академија по повод Денот на Европа 2015, ќе се одржи вечер во Младинскиот културен центар во Скопје во организација на Европското движење во Република Македонија.

Покровител на манифестацијата е министерката за култура Елизабета Канческа Милевска, која треба да се обрати пред присутните, а најавени се поздравни обраќања и на претседателот на ЕДРМ, Милева Ѓуровска и на амбасадорот на ЕУ во Македонија, Аиво Орав,

На свеченоста, меѓу другото, ќе биде доделена награда за Европска личност за 2014 година на академскиот ликовен уметник Јован Балов.

Поканети се претставници на Владата, од  Делегацијата на ЕУ во РМ, на дипломатските претставништва, членови на Европското движење и други гости.