РОДИЛА 10 БЕБИЊА: 37-годишна жена од Јужна Африка постави нов светски рекорд

Нов светски рекорд беше поставен од 37-годишна жена, која родила, верувале или не, десет бебиња со што и официјално беше надминат последниот рекорд на Халима Сисе која роди девет деца во Мароко во мај годинава.

Жосиаме Ситол стана мајка на седум момчиња и три девојчиња кои се родени во болница во главниот град на Јужна Африка – Преторија.

Како што пренесуваат локалните медиуми, таа се породила со царски рез.

Жосиаме за време на бременоста за медиумите изјави дека е „шокирана и фасцинирана“ од фактот дека носи толку многу бебиња.

Лекарите велат дека случајот е вистинска реткост, бидејќи не е резултат на третман со неплодност.