ТРАГЕДИЈА ВО ХРОМ: Камион прегази и усмрти 11-годишно девојче

Во тешка сообраќајна несреќа што се случи попладнево околу 15:30 часот во скопската населба Хром загина девојче на возраст од околу 11 години.

Како што информираат од МВР, товарно моторно возило удрило во пешакот на раскрсницата меѓу улиците „Адолф Циборовски“, „Ангел Динев“ и „Стефан Филиповиќ“.

Екипа на итна медицинска помош констатирала дека малолетното девојче починало на лице место.

Полицијата ги испитува причините за несреќата.