Туризмот засега без поголеми штети од блокадата на Евзони

Туристичките работници засега не трпат штети од блокадата на граничниот премин Евзони, но сметаат дека овој проблем треба што поскоро да се реши.

Како што беше речено денеска на прес-конференција во Стопанската комора, загубите се минимални, но тоа е така зашто не е ек на сезона, а и допрва се прават аранжманите.

– Во тек се подготовките за новата туристичка сезона и затоа засега загубите се минимални. Директно немаме речиси никакви штети. Но, сакаме проблемот побрзо да се реши бидејќи ги отежнува останатите гранки од стопанството, истакна Асим Меџедовиќ од Здружението за угостителство и туризам при Комората.