Поврзи се со нас
Маркетинг

Популарно.мк

УХМР: По престанокот на дождовите притисокот врз реките и суводолиците се намалува

Вести

УХМР: По престанокот на дождовите притисокот врз реките и суводолиците се намалува

Како последица на заемното дејство на врнежите и топењето на снегот особени покачувања на водостоите се јавија во сливовите на реките Треска, Радика, Црн Дрим и горните текови на Вардар и Црна Река, а појави на излевање имаше во Тетовско, Кичевско и Охридско, информира Управата за хидрометеоролошки работи (УХМР).

Оттаму посочуваат дека големи излевања и поројни поплави има во кичевскиот регион и по течението на реката Треска, полошкиот регион и притоките на реката Вардар, а тоа, како што велат е потврдено и од Центарот за управување со кризи.

– Со престанување на врнежите притисокот врз реките и суводолиците се намалува, но се уште бележиме релативно високи водостои и локални излевања на реките Треска и Вардар. Новите податоци покажуваат намалување на водостоите во погорните делови од сливовите, и тоа на реките Радика, Сатеска, Голема Река, Пена, а во 17 часот имаме информација и за постепено намалување на водостојот на Треска кај Македонски Брод (од 300 на 285 цм), Вардар кај Јегуновце (од 198 на 195) и Радуша (од 198 на 196), соопшти УХМР.

Поради високите водостои од УХМР и понатака препорачуваат внимателно движење покрај водотеците и суводолиците.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг
ДО ВРВ
error: Содржината е заштитена со авторски права.