Утрото топло, попладне дожд и ветер

Минималната температура во целата земја е над нулата и се движела од четири до 11 степени. Најтопло било во Демир Капија со измерени 11 степени, а најниската температура во Струмица, Прилеп, Крушево и Маврово четири степени.

Во Скопје на Зајчев Рид, Лазарополе и Ѓуриште се измерени пет степени,  шест во Берово и Претор, седум во Тетово, Пожаране и Тополчани,  осум во Виница, девет во Гевгелија и 10 во Битола, Дебар, Дојран, Крива Паланка, Охрид и Штип.

Дожд најмногу наврнало во Лазарополе 19 литри на метар квадратен во Маврово 18, во Дебар 16, во Пожаране 10, девет во Охрид, седум во Тетово и Претор, шест во Крушево, пет во Прилеп, четири во Дојран, три во Берово, Ѓуриште и Тополчани и еден во Скопје Зајчев Рид, Битола, Штип, Д.Капија, Виница, Струмица и Гевгелија.

Утрово времето е облачно со локални врнежи од дожд, претежно во западните делови. Дува умерен, а во средниот дел на Повардарието, во Пелагонија и на североистокот повремено и засилен ветер од јужен правец.

Во текот на денот ќе се задржи претежно облачно со врнежи од дожд, кој ќе се интензивираат во вечерните и ноќните часови. Пообилни врнежите ќе бидат во западните делови, каде на места ќе наврнат над 35 л/м2. Врнежи од снег преку денот ќе има само на повисоките планини, а во текот на ноќта снежната граница ќе се спушти до околу 1500 м.н.в. Ќе дува засилен, на моменти силен јужен ветер со брзина и над 90км/ч. Температурата ќе достигне од 11 до 16 степени.

Во Скопје претежно облачно со повремен дожд, особено во вечерните и ноќните часови. Ќе дува засилен јужен ветер. Т-ра до 15 степени.

Утре наутро се уште ќе има локални врнежи, особено во јужните делови. Преку денот облачноста ќе се намали и ќе настапи преодно стабилизирање на времето, што ќе се задржи и во првиот ден од следната работна седмица.