Македонија ќе биде погодена од снежен бран за викендот

По краткотрајното затоплување, викендов студен и снежен бран ќе ja зафати целата територија на Македонија, најавуваат метеоролозите.

Се очекуваат пообилни врнежи од снег, особено во западните делови на државата, со формирање на снежна покривка од над 30 сантиметри на планините и од 5 до над 20 сантиметри во градовите.

Возачите се повикуваат на поголема внимателност, бидејќи ќе има засилен северен ветер, а во Скопје и околината се очекува формирање на снежна покривка со висина до 10-15 сантиметри. Метеоролозите предупредуваат за појава на голомразица поради ниските температури.