Силно невреме попладнево во Скопје

Невреме со поројни врнежи од дожд, град, грмежи и засилен ветер го зафати Скопје.

Како што најави Управата за хидрометеоролошки работи (УХМР), нестабилното време и  влажната воздушна маса од Медитеранот ќе ја зафатат цела Македонија.

Во текот на ноќта се очекува процесите да бидат поинтензивни локално, со врнежи од над 25 литри на метар квадратен.

УХМР за наредните денови најавува променливо облачно време со посвежи утра и дневни температури во интервал од 18 до 26 степени.