ТОПОЛ БРАН ОД АФРИКА: На почетокот на следната недела температури до 38°

Денеска ќе биде сончево и топло со умерена локална облачност. Во попладневните часови, особено на запад ќе има локален развој на нестабилна облачност проследена со пороен дожд, грмежи, засилен ветер и услови за локална појава на град. Максималните дневни температури на воздухот ќе се искачуваат во интервалот од 27 до 35 степени.

Во Скопје попладне ќе има услови за локална дестабилизација со краткотраен пороен дожд, грмежи и засилување на ветерот. Максималната дневна температура на воздухот ќе се искачи до околу 33 степени.

Почетокот од следната недела атмсоферата ќе биде постабилна. Поради продор на многу топол воздух од северните предели на Африка, температурите на воздухот и понатаму ќе бележат тенденција на пораст и на почетокот од следната недела ќе се искачуваат во интервалот од 29 до 38 степени.