Вистинско лето овој викенд – сончево и топло до 36 степени!

Времето денеска ќе биде сончево и потопло со мала до умерена облачност.

Попладне во западните делови ќе има услови за краткотрајна нестабилност со пороен дожд и ретки грмежи. Ќе дува слаб до умерен претежно северозападен ветер. Минималната температура ќе биде меѓу 10 и 18, а максималната од 28 до 36 степени. УВ индексот ќе биде 9.

Во Скопје ќе биде сончево и потопло со мала до умерена облачност. Температурата ќе достигне 33 степени.

Според УХМР, под влијание на топла воздушна маса следува период на значително потопло време. Во следните денови во попладневните часови локално ќе има краткотраен пороен дожд проследен со грмежи, а понекаде и појава на град. Понестабилно ќе биде од понеделник.