ВРЕМЕТО ДЕНЕС: Сончев ден и појава на слаба утринска магла

Времето во Македонија ќе биде сончево со мала локална облачност и со слаб променлив ветер. Наутро ќе има услови за појава на слаба магла понекаде во речните долини.

Утринската температура ќе се движи од минус шест до три, а дневната од 16 до 22 степена.

Во Скопје слично време, сончево со слаб променлив ветер, а наутро со услови за појава на слаба магла. Утринската температура ќе се спушти до минус два, а дневната ќе се искачи до 18 степени.

Продолжува период на стабилно, суво и претежно сончево време со услови за слаба магла по одделни котлини. Утринските температури на повеќе места ќе бидат негативни, а дневните благо ќе опаѓаат.

Од четврток попладне ќе започне да дува слаб, а за време на викендот со зголемување на облачноста и умерен северен ветер.