Магазин
Актерката Обри Плаза се појави во јавноста за прв пат по трагичната смрт на нејзиниот сопруг
Актерката Обри Плаза се појави во јавноста за прв пат по смртта на нејзиниот сопруг, сценарист и режисер Џеф Баена, за специјалната емисија по повод прославата на 50-годишнината од шоуто „Saturday Night Live“.
„Дами и господа, Мајли Сајрус и Британи Хауард“, накратко рече Плаза за да најави еден од настапите.
Баена почина на 3 јануари, во неговата куќа го пронашол неговиот помошник кој веднаш повикал полиција. На местото на настанот е констатирана смрт. Полициски извори открија дека режисерот си го одзел животот.
„Ова е незамислива трагедија. Искрено сме благодарни на сите што ни пружија поддршка. Ве молиме за почитување на нашата приватност во овој тежок период“, изјави Плаза, заедно со семејството на Баена, во соопштение за јавноста.
Поради оваа трагедија, Плаза не беше на 82. доделување на наградите Златен глобус, каде што требаше да додели една од наградите.
Плаза и Баена беа заедно повеќе од една деценија пред тајно да се венчаат во 2020 година. Актерката и откри на водителката Елен Деџенерис дека решиле да се венчаат додека биле во карантин за време на пандемијата на коронавирус.
Баена е познат по неговата работа на филмовите „I Heart Huckabees“, „Life After Beth“, „Horse Girl“, „Spin Me Round“ и други. Тој и Плаза работеа заедно на неколку проекти, меѓу кои „Life After Beth“ и „The Little Hours“.
