fbpx
Поврзи се со нас
Маркетинг

Популарно.мк

5 лесни идеи за идеален и освежителен летен појадок

Храна и пијалоци

5 лесни идеи за идеален и освежителен летен појадок

Ако сте во потрага по лесен појадок за овие топли денови, ние имаме одлични 5 предлози кои ќе ве освежат и ќе ви дадат енергија да го „зграпчите” денот.

Чиа пудинг

Чиа семето е одлична и полновредна намирница која одлично се вклопува за појадок. Три лажици чиа семе содржат дури 12 g влакна што е околу 40% од дневните потреби за внес на растителни влакна. Чиа семето исто така содржат и протеини, односно 3 лажици чиа семе содржат околу 6 g протеини, добар извор е и на омега-3 масни киселини и на магнезиум.

Чиа пудингот кој е многу актуелен во последно време се подготвува навистина едноставно.

Зелено смути

Тајната на зеленото смути е содржината на зелено овошје и зеленчук кои изобилуваат со антиоксиданси, многу фитонутритиенти, хлорофил, магнезиум и калиум.

Зелено смути е одличен појадок кој ќе ве хидрира и наполни со многу витамини и минерали кои ќе ви го зајакнат имунитетот и ќе ви го подобрат здравјето. Додадете и некое јаткасто овошје или некои семиња за да ја зголемите нутритивната вредност на вашето утринско смути, така ќе останете сити подолго време.

Интегрален леб со хумус

Хумусот е одличен намаз кој се подготвува од наут. Хумусот можете да си го подготвите и дома, но можете да го купите и веќе готов од некој подобро снабден маркет.

Хумусот е полн со витамини од групата Б, магнезиум и многу антиоксиданси и е одличен за убав почеток на денот.

На парче интегрален леб, намачкајте хумус и додадете некои зачини по ваша желба. Можете да комбинирате и со некој свеж сезонски зеленчук.

Свежи смокви

Свежи смокви можете да ги јадете само ве летниот период и затоа искористете ја таа можност. Тие се одлична лета овошка, содржат голема концентрација на растителни влакна, железо, калиум ,калциум, магнезиум и витамини од групата Б.

Крекери од семиња

Крекерите од семиња се одличен извор на здрави масти, односно омега-3 масни киселини кои ќе ве одржат сити подолго време. Исто така семињата содржат и многу голема концентрација на растителни влакна, што може да ви помогне доколку имате проблеми со празнењето на цревата.

Интегралните солени крекери одлично се комбинираат со јогурт, кефир или пак со кисело млеко.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Храна и пијалоци

Маркетинг
ДО ВРВ
error: Содржината е заштитена со авторски права.