Инстаграм ќе ви кажува колку луѓе ви го гледаат профилот

Популарната социјална мрежа Инстаграм развива нова функционалност која сигурно сите со нетрпение ја очекуваат.

Имено, апликацијата ќе им покажува на корисниците колку пати нивниот профил бил посетуван во текот на една седмица.

Информацијта ќе се појавува на вашиот приватен профил, а според информации на весникот „Индепедент“ истата ќе биде воочлива и на видливо место, што значи дека тешко ќе може да се заобиколи.

Но, и покрај тоа што ќе се покажува колку луѓе ви го гледаат профилот, сепак нема да знаете кој точно ве посетил.

Инстаграм се уште ја тестира опцијата, па затоа истата не е достапна за сите корисници.