ЛЕТНО ОСВЕЖУВАЊЕ: Направете вкусен сок од вишни

Во време кога температурите го достигнуваат и четириесеттиот степен, освежете се со сок од вишни.

Потребни ви се:

• 1 кг. вишни
• 1 л. вода
• 10 гр. лимонтус
• 100 гр. кафеав шеќер

Измијте ги вишните и посипајте ги со лимонтусот и водата. Гмечете ги се додека семката не се одвои од плодот. Исчистете ги од семките и оставете ги да преноќат.

После тоа, исцедете ги вишните. Додајте го шеќерот и мешајте се додека не се стопи. Откако шеќерот целосно ќе се стопи вашиот сок е готов. Служете го овој сок ладен.

Чувајте го во фрижидер и консумирајте го во рок од неколку дена.