Подобра и од бурек! Рецепт за сочна гибаница со мелено месо и пиво – вкус што освојува!

Ако мислевте дека бурекот е ненадминлив, време е да ја пробате оваа неодолива гибаница со мелено месо и пиво! Лесно се подготвува, а вкусот е толку богат и сочен што ќе стане вашиот нов омилен рецепт.

Потребни состојки:

✔️ 500 г кори за пита
✔️ 300 г мелено месо
✔️ 1 главица кромид
✔️ 1 компир (рендан)
✔️ Сол, бибер, зачини по вкус
✔️ Масло за премачкување
✔️ Сусам за наросување

За прелив:

✔️ 3 јајца
✔️ 200 мл пиво

Начин на подготовка:

1️⃣ Подготовка на филот:

• Кромидот ситно се сечка и се пропржува на малку масло.
• Се додава меленото месо и се пржи додека не добие златна боја.
• Се зачинува по вкус и се додава ренданиот компир за дополнителна сочност.

2️⃣ Редење на гибаницата:

• Намрсете правоаголна тава.
• Ставете прва кора, премачкајте со масло, па втора и трета кора на ист начин.
• На четвртата кора нанесете фил и повторете ја постапката уште 3 пати.
• Последниот слој завршува со 4 кори без фил.

3️⃣ Прелив и печење:

• Изматете јајца со вилушка, додадете пиво и убаво соединете.
• Исечете ја гибаницата и равномерно полејте ја со преливот.
• Оставете да впие 15 минути, наросете сусам и печете во загреана рерна на 200°C околу 40 минути.

Тајна состојка за максимална сочност!

🟡 Ренданиот компир во филот ја прави гибаницата уште повкусна и посочна!

Оваа гибаница е совршена за појадок, вечера или викенд уживање со семејството! 🥰 На здравје! 🍽️