Како да изнајмите луксузна вила во Европа за помалку пари

Колумнистката Стефани Росенблум пишува за „The Getaway“ за начините на кои најевтино може да се изнајми луксузна вила во европските земји.

– Зошто одморот да се помине во скапи хотели, кога може да се изнајми приватна луксузна вила?, прашува Росенблум.

Росенблум истакнува пет работи за кои треба да се води сметка:

1. Аранжманот за двојки секогаш се поевтин, особено во периодот од почетокот на септември до крајот на октомври кога цените се многу пониски отколку во претходните месеци.

2. Барајте вила која не се наоѓа во градскиот центар, туку во предградие. Така во Тоскана може да се најде луксузна вила за 200 долари по ноќевање.

3. Најевтин период за одмор во луксузни вили е од октомври до април, особено во Јужна Франција.

4. Патувајте со семејството и пријателите. На тој начин ги намалувате сопствените трошоци и изнајмувате поголема вила за која сопственикот секогаш тешко наоѓа клиенти.

5. Бидете што пофлексибили и секогаш следете ги попустите кои ги нудат туристичките агенции.