Макрон и неговата сопруга беа домаќини на кралот Чарлс и Камила во францускиот замок Версај

Британскиот крал Чарлс III. и неговата сопруга Камила вчера пристигнаа во тридневна државна посета на Франција.

Домаќин на кралската двојка беше претседателот Емануел Макрон и неговата сопруга Брижит во палатата во Версај, каде подоцна беше организирана свечена вечера.

Кралицата Камила пристигна во темносин фустан на Диор и носеше накит на кралицата Елизабета Втора. Нејзиниот сопруг исто така се одлучи за класична облека и носеше црн смокинг.

View this post on Instagram

A post shared by The Royal Family (@theroyalfamily)

Францускиот претседател покани бројни ѕвезди, вклучувајќи ги и британскиот актер Хју Грант, рок-ѕвездата Мик Џегер, францускиот милијардер Бернард Арно, актерката Ема Маки и поранешниот менаџер на Арсенал, Арсен Венгер. Биле поканети повеќе од 150 гости, а на менито имало син јастог и француски и англиски сирења.

„И покрај Брегзит, нашите врски се толку стари, што знам дека ќе продолжиме заедно да пишуваме дел од историјата на нашиот континент“, рече францускиот претседател Емануел Макрон во здравица.

View this post on Instagram

A post shared by FRANCE 24 (@france24)

Кралот, кој течно зборува француски како неговата мајка, покојната кралица Елизабета, ја гледа оваа посета како можност за обновување на односите меѓу двете земји, кои се нарушени од Брегзит.