НОВА ТЕТОВАЖА: Анџелина Џоли му испраќа порака на Бред Пит околу старателството на децата
И додека е во центарот на скандалите, по неколкуте папарацо фотографии каде што се гледа дека му се вратила на поранешниот сопруг, познатата американска актерка Анџелина Џоли го искористи моментот на „слава“ за да ја покаже новата тетоважа.
Познато е дека таа има неколку тетоважи на своето тело, но последната има посебно значење.
Џоли е тетовирана на подлактицата со натпис „Eppur si muove“, познат цитат на Галилео Галилеј и значи „Сепак се врти“, а датира од 1633 година, кога славниот научник бил принуден да го повлече тврдењето дека Земјата се врти околу сонцето.
Американските медиуми ова го поврзуваат со борбата за старателство која Џоли ја води со нејзиниот поранешен сопруг Бред Пит, а која не оди по очекуваниот тек – односно судот одлучи тие да го делат старателството над шесте деца.
Актерката ја покажа својата нова тетоважа додека е во центарот на вниманието, низ Њујорк и ручаше во ресторан за брза храна.
