Кралицата Елизабета се појави на настанот „Ројал Аскот“
Оваа година „Ројал Аскот“ повторно се одвиваше пред публика. Бројот на посетители бил намален, а сите морале да бидат тестирани дури три пати. На пристигнување се правеле брзи тестови, а подоцна требало да се направат и други два ПЦР тестови.
Британската кралица Елизабета II (95) се вратила на еден од најголемите и најважни друштвени собири во својата земја, фестивалот на коњски трки „Ројал Аскот“. Претходната година таа го пропушти поради пандемијата и тоа за првпат по 68 години.
Иако претходната година таа не можеше да присуствува, трките ги следела на телевизиски пренос во замокот Виндзор, каде што поголем период помина во изолација.
Инаку на „Ројал Аскот“ се натпреваруваат најдобрите светски тркачи за милионски награди. Во центарот на вниманието е секогаш кралското семејство, а задолжителен додаток на дрес кодот се шеширите кои добиваат внимание исто колку трките.
