Запознајте ги новите жители во Скопската зоолошка – бебињата пингвини (ФОТО)

Скопската зоолошка градина ја изненади јавноста со прва фотографија на бебе пингвин, првото младенче од овој вид што се роди во нашата земја. Оваа вест е поврзана со утрешното одбележување на Светскиот ден на пингвините, ден што е посветен на кревање на свеста за овие птици и нивната заштита.

„Со задоволство ве информираме дека во Заливот на пингвините во Зоолошката градина, утре во 11 часот, ќе се оддржи едукативен и интерактивен час на отворено, каде што секој посетител ќе може да научи нешто ново за овие прекрасни птици. Ова е идеалната можност за сите да ги запознаете пингвините од Скопје Зоо, нивните карактеристики, но и меѓусебните односи и социјализација во групата.“ – информираа од Скопје Зоо.

Во јануари месец скопската зоолошка ги доби четирите бебиња пингвини од два пара родители. Овие бебиња ќе бидат уште еден дополнителен атрактивен елемент за посетителите на Зоолошката градина во Скопје.