Ноќни Волци и децата со аутистичен спектар на однесување (ФОТОГАЛЕРИЈА)

Не е првпат, клубот Ноќни Волци во име на хуманоста да се приклучи кон хуманитарни акции особено кога се во прашање најмалите и најнезаштитените.

Овој пат, цел ден го поминаа дружејќи се со децата аутисти , нивните родители и сите добронамерни хуманитарци со чувство за емпатија, одбележувајќи го Денот на децата аутисти.

Хуманоста е природна, така и се развива низ животот, се учи и пренесува на помладите генерации.

<

►

>

Така спонтано и пријатното беше изненаден претседателот на мото-клубот Ноќни Волци, кога водителката од МТВ, Виолета Совкаровска му ја предаде хуманата порака во облик на сина штафета, која симболично претставува аманет, да се продолжи со хуманоста и да се предаде понатаму во вистински хумани раце.

– „Го искористив денешниот убав хепенинг во Зоолошката градина за да ја предадам штафетата на Ленин Јовановски, водачот на Ноќните Волци, кои се големи поддржувачи на децата со аутизам. И тој беше изненаден од почеста, ја прифати сината штафета со искрена радост и сигурна сум дека и тој ќе избере некого од нашата сѐ поголема дружина“ – изјави Совкаровска.

Одбележувањето на 2-ри април – Меѓународен ден на лицата со аутизам, што се одржа во Едукативниот центар во Зоолошката градина во Скопје, под покровителство на сопругата на Претседателот на Република Македонија, г-ѓа Маја Иванова, а во организација на Здружението за третман на лицата со аутизам, АДХД и Апсергеров синдром – “Во Мојот Свет“ изнуди насмевки на многу дечиња со аутистичен спектар на нарушувања,нивните родители и сите присутни.

Како организатори на настанот се појавија и мајките членови на здружението Весна Андреева, Аниса Трпевска, Валентина Попоска и Жижа Бејковска.

Гости на манифестацијата беа претставници на дипломатскиот кор во Р. Македонија, браќата Тавитјан – Автори на химната за Аутизам – “Во мојот свет” како и мото клубот Ноќни Волци кои обезбедија пригодни подароци за дечињата со аутизам.