Обама и познати музичари го одбележaa Меѓународниот ден на џезот

Белата куќа на неколку часа беше „куќа на блузот“, бидејќи музичките ѕвезди како Херби Хенкок, Арета Френклин и Ди Ди Бриџвотер му се придружија на американскиот претседател Барак Обама, одбележувајќи го Меѓународниот ден на џезот со специјален концерт.

– Поканив неколку свои омилени џез музичари да свират во мојот двор, изјави Обама на почетокот на концертот на Јужниот тревник во Белата куќа пред околу 550 гости.

Цитирајќи го славниот Дјук Елингтон, американскиот претседател истакна дека „џезот е добар барометар на слободата“.

Меѓу музичарите кои учествуваа на концертот биле и Чак Кориа, Ал Џароу, дајана Крал, боби Вотсон и други.