„Пијанорексија” – нов опасен тренд во исхраната

Младите жени се почесто избегнуваат храна, т.е. цели оброци, заменувајќи ги со пиење алкохол, со што драматично го намалуваат дневниот внeс калории, се посочува во најновите истражувања.

Оваа релативно нова појава се вика „пијанорексија”, и се појавува по одредена диета, а се карактеризира со прескокнувања оброци. Иако се уште официјално не е заведена како пореметување во исхраната, симптомите се совпаѓаат со оние на анорексијата.

Овој тренд е присутен кај двата пола, но повеќе кај жените. Според една од студиите – дури 60 отсто од студентките го практикуваат тоа.

Лекарите предупредуваат дека вакви комбинации можат да имаат исклучително опасни последици по физичкото и менталното здравје.