„Тоа е сон на секој фудбалски навивач“: Ед Ширан купи удел во клубот од детството Ипсвич Таун

Британската музичка ѕвезда Ед Ширан (33) купи малцински удел во клубот од англиската Премиер лига Ипсвич Таун. Ширан купи 1,4 отсто од акциите на клубот кој по 22 години се врати во елитната класа на англискиот фудбал.

Англиските медиуми објавија дека претходно оваа година приватна компанија со седиште во САД купила 44% од акциите во клубот за пријавени 105 милиони фунти, што може да сугерира дека уделот на музичарот би можел да вреди повеќе од 2 милиони фунти.

View this post on Instagram

A post shared by Ed Sheeran (@teddysphotos)

Ширан, кој пораснал во блискиот Фрамлингем и е доживотен поддржувач на клубот Сафолк, рече дека е „навистина возбуден“ поради овој потег.

„Среќен сум што добив процент од акциите во мојот омилен роден клуб. Тоа е апсолутно сон на секој фудбалски навивач и благодарен сум за оваа можност. Живеам во Сафолк од мојата тригодишна возраст и иако сум патувал насекаде низ светот, Ипсвич секогаш ќе остане мојот дом, се чувствувам дел од заедницата и заштитено“, рече Ширан. „Среќен сум што имам можност да вложам дел од моите пари во клубот што го сакам.“

View this post on Instagram

A post shared by Ipswich Town FC (@ipswichtown)

Пејачот го потпишал договорот како „пасивен“ инвеститор и нема да стане член на управниот одбор, потврдија од фудбалскиот клуб. Сепак, како дел од договорот, Ширан ќе добие поволности како што е долгорочно користење на сопствена ложа на стадионот Портман Роуд.

Ипсвич Таун минатата сезона заврши на второто место во Чемпионшип, освојувајќи промоција во Премиер лигата по 22 години.