Точкесто Езеро – едно од најнеобичните места во светот

Одамна е познато дека во светот има секакви природни феномени, но дека може да се налета на езеро полно со точки, тоа, барем на поголрм број луѓе, никогаш не би им паднало на памет.

Во близина на градот Осојос во канадската покраина Британска Колумбија, се наоѓа Точкестото Езеро, кое го посетуваат туристи од целиот свет.

Својот, во најмала рака, необичен изглед ова езеро и го должи на високата концентрација на разновидни минерали, како што се магнезиумсулфатот, калциумот, натриумсулфатот, среброто и титанот.

Поголемиот дел од водата во лето испарува од езерото, па тогаш тоа добива точкест изглед што им го должи на куповите минерални соли, а од составот на минералите зависи и бојата на езерото, кое, на тој начин, може да биде жолто, зелено или бело.

Пред сто години во него се црпеле минерали за изработка на муниција, а тогаш од езерото било можно да се извлече и по еден тон сол дневно!

Индијанците го сметале езероро за свето место, а очигледно има нешто и во тоа верување, со оглед на фактот дека водата од езерото има голем лековит потенцијал, што тие максимално го користеле. Според легендата, кога две завојувани индијански племиња би договориле примирје, своите ранети ги ставале во Точкестото Езеро, верујувајќи дека тоа ќе ги излечи.