Репрезентацијата на Аргентина го исмева Дрејк: Се обложи против нив и изгуби 300.000 долари

Дрејк повторно се обложи и повторно згреши.

Канадскиот рапер на Инстаграм објави дека се обложил со 300.000 долари дека канадскиот тим ќе ја победи Аргентина во полуфиналето на Копа Америка. Ако погодеше, неговата добивка ќе беше 2,88 милиони долари.

Сепак, Аргентина ја победи Канада со 2:0 и се пласираше во неделното финале на Копа Америка. Репрезентацијата на Аргентина по натпреварот објави фотографија на социјалните мрежи на која Лионел Меси и неговите соиграчи ја слават победата.

View this post on Instagram

A post shared by COMPLEX (@complex)

На сликата е натписот „Not Like Us“. Станува збор за песната на раперот Кендрик Ламар која беше објавена на почетокот на годинава, а во неа го споменува Дрејк со кој е во расправа. Во песната Ламар го обвини канадскиот рапер дека наводно има преференци кон помладите жени, па дури и го нарече „овластен педофил“.

Секако, во оваа објава на аргентинската репрезентација многумина го препознаа нивното исмевање со Дрејк.