Посетете ги пред да станат познати – престижниот „Конде Наст“ ја препорача Македонија како хит-дестинација!

Според луксузното списание за патувања “Конде Наст”, Македонија се наоѓа меѓу најевтините дестинации за патување во 2024 година. Во статијата, објавена во актуелното издание на магазинот, издвоени се четири регионални држави, вклучително Македонија, Албанија, Србија и Унгарија.

Македонија:

Статијата ја издвојува Македонија како дестинација со малку криминал, препорачувајќи задолжителна посета на градот Охрид. Охрид е опишан како град со улици со калдрма и необични цркви, што се очекува од  еден европски град. Дополнителната предност на Охрид е неговата локација на крајбрежјето на Охридско Езеро.

Албанија:

Албанија се опишува како поевтина туристичка дестинација во споредба со другите европски земји. Луксузното списание го насочува вниманието кон можностите за посета пред да стане голема туристичка дестинација.

Србија:

Белград се истакнува како еден од највозбудливите културни епицентри во Европа, а статијата го истакнува како значително поевтин во споредба со Париз или Берлин. На посетителите на Белград им се препорачува да го истражат богатството на градот, вклучувајќи ги музеите и инсталации на современа уметност.

Унгарија:

Будимпешта во Унгарија, која го прослави својот 150-годишен јубилеј во ноември 2023 година, се наоѓа на листата на евтини домаќини. Прегледот наведува дека достапни се ресторани со Мишелин ѕвезди, а градот е одлична дестинација за посета.

Целата листа на најевтините дестинации ги вклучува и Јужна Кореја, Мексико, Монголија, Виетнам, Бразил, Јужна Африка, Шри Ланка, Костарика, Филипини, Мадагаскар, Египет, Малезија, Индија, Непал, Гамбија, Индонезија, Узбекистан, и други. Луксузното списание ги советува патниците да ги истражат овие дестинации пред да станат популарни и преполнети со туристи.