Синот на Стив Ирвин, Роберт, нападнат од крокодил за време на снимање емисија

Роберт Кларенс Ирвин (18), син на покојниот Стив Ирвин, на социјалните мрежи сподели застрашувачко видео од австралиската зоолошка градина.

Имено, во познатата зоолошка градина во Квинсленд, Роберт „тестирал“ дали на крокодилот Каспер му е доволно удобно во своето ново живеалиште каде што се снимаше за шоуто „Crikey“.

Страствениот истражувач му фрлил храна на крокодилот, што тој ја игнорирал, а Роберт бил принуден да побегне за да си го спаси животот. Роберт успеал за влакно да побегне од огромната вилица на крокодилот.

View this post on Instagram

A post shared by Robert Irwin (@robertirwinphotography)

Младиот Роберт често го споредуваат со покојниот татко Стив, кој беше попознат како „Ловец на крокодили“.

Да потсетиме, Стив Ирвин почина во септември 2006 година, на возраст од само 44 години, откако риба ража го прободе во градите. Тоа беше за време на снимањето на документарниот филм „Најопасните животни во океанот“ во Квинсленд, Австралија.