Која е најпопуларната објава на Инстаграм во 2021 година?
Објавено е кои објави на Инстаграм добиле најмногу лајкови во 2021 година. Во продолжение погледнете ја листата на првите 10.
Фотографијата на која Кристијано Роналдо (36) најавува дека тој и неговата партнерка Георгина Родригез (27) очекуваат близнаци е на прво место, а од крајот на октомври собра повеќе од 32 милиони лајкови.
Втора најлајкувана фотографија е онаа од веннчавката на пејачката Аријана Гранде (28), на која таа е со сопругот Далтон Гомез (26) и има 26 милиони лајкови.
Кајли Џенер (24) е само на третото место со објавувањето на видео во кое јавноста ја информираше дека е бремена, а тоа видео е прегледано 154 милиони пати и има 24 милиони лајкови.
На четвртото место е пејачката Били Ајлиш (20), која во март минатата година ги изненади фановите со нова фризура и на тој начин доби 23 милиони лајкови.
Лионел Меси (34) се најде на петтото место со фотографијата што ја објави откако потпиша за францускиот фудбалски клуб ПСЖ, а им се допадна на 22 милиони луѓе.
Фотографијата на Били Ајлиш од магазинот „Вог“ собра 22 милиони лајкови, а потоа следеа уште две фотографии на Лионел Меси.
На листата е и профилот на Инстаграм ironshoremermaid со едно видео и фотографија од актерската двојка Том Холанд (25) и Зендаја (25).
