„ИГРАЈ ВАЛКАНО“: Џесика Палашоска го сними еден од најскапите спотови во Македонија (ВИДЕО)

На една рака може да се избројат македонските изведувачи кои досега во нивните кариери можат да се пофалат дека имаат снимено видеоспот надвор од нашите граници.

Епа, токму тоа го стори познатата пејачка Џесика Палашоска за нејзината најнова песна која носи наслов „Играј валкано“. Спотот се снимаше неколку дена во еден од најубавите градови во светот, Барселона, а според приложеното очигледно е дека станува збор за еден од најскапите снимени видеоспотови кај нас.

Песната е дело на Борче Нечoски и Дејан Момироски, а за разлика од останатите песни на Џесика, овој пат нејзините фанови ќе имаат прилика да слушнат еден поинаков и помодерен звук.

– Снимањето беше доста напорно, и покрај тоа што имавме план и се движевме по него меѓутоа ни требаше еден ден за да се организираме бидејќи сепак голем град од едно до друго место има со сигурност еден саат возење, шминка фризура, опрема итн. Меѓутоа кога го работите со љубов се ви изгледа лесно и едноставно го замислував само финалниот производ. Очекувам песната да биде слушана и прифатена поради тоа што е доста модерна и правена по светски модерен стил – вели Џесика.

Спотот се снимаше под режисерската палка на „Бокс продукција“.

Инаку Палашоска за време на снимањето на спотот носеше креации на младиот и контроверзен дизајнер Златко Јовановски, додека пак за шминката беа задолжени вештите раце на добро познатиот Зоран Шурбевски.