Поврзи се со нас
Маркетинг

Популарно.мк

ПЕТАР ГРАШО: „Сакав Хана пешки за рака да ја однесам в црква, за жал моравме да бараме обезбедување“

Интервју

ПЕТАР ГРАШО: „Сакав Хана пешки за рака да ја однесам в црква, за жал моравме да бараме обезбедување“

Хрватскиот пејач и композитор Петар Грашо беше два дена во Скопје. Кога е тука вели дека едвај чека да седне во кафеана. „Ма тоа го нема нигде ко тука. Седнуваш на маса, те чека ајвар, леб, сирење, маслинки, па уште некое добро вино. Оливер Драгојевиќ на времето ми викаше: ‘Кога ќе доаѓаш во Скопје на концерт, дојди два три-дена порано, тука има и вино и музика’,“ искрен е Грашо.

Во Скопје беше и сопругата Хана, со која се ожени пред неполн месец. Тоа беше една од најозборуваните свадби во регионот. Хана е ќерка на Тончи Хуљич, а Грашо беше 24 години во љубов со Данијела Мартиновиќ со која беа неразделни.

„Многу се пишуваше за мене и Хана. Се пишуваше сешто, а некои медиуми не беа фер, но генерално повеќето беа коректни“, раскажува во интервју за „Репортер“, хрватскиот пејач.

И додава: „Сакавме со Хана фатени за рака пешки да се прошетаме низ малите сплитски улички па да дојдеме до црквата и да се венчаме. Се случи баш спротивното. Моравме да дојдеме со три црни коли и обезбедување, затоа што имаше 50 новинари“, раскажува Петар Грашо.

Не крие колку е вљубен во Хана, а дека е среќен оти се оженил, па вели: „Бракот е нешто убаво, и нешто кое го правиш со човек што го сакаш и со кој сакаш да останеш“.

Далматинец од Сплит кој со саати лови риби и лигњи и не признава добар ручек без шише вино. Грашо е исклучително спонтан и едноставен. Со сто мераци зборува за Трогир, каде во еден залив има куќа покрај море и таму сака со саати да лови риба, да плива, да готви и да пие вино.

„Ќе се качам на мојот брод, мал е 7 метри и цел ден можам да го минам со јадицата во раце“, искрен е Грашо.

Освен што е пејач, тој има и кафеана 25 години. „Адријатик“ на Грашо е свратилиште и на сплиќани и на туристите, па оттаму е и угостител, оти кога не е пејач, до утре може да раскажува како се готви.

Несудениот кошаркар, кој иако потпишал договор со „Југопласитка“ и требал да замине за Чикаго, Тончи Хуљич го убедил да свири во групата „Магазин“. Каков е Грашо кога не е на сцената, како се спремаат лигњи на два начина, за кумството со Дино Раѓа, дали Тончи го смени односот кон него откако ја ожени ќерка му, за Оливер до чии совети и денес се држи никогаш да не глуми ѕвезда… гледајте го интервјуто.

Прифатете ги statistics, marketing колачињата за да можете да ја видите содржината.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Интервју

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.